नयाँ गन्तव्य

चल्नेछन् आँधीबेरी अवश्य
उडाइ लैजाने छन् तिम्रा सारा सपनाका महलहरुलाई।
हल्लिनेछ जमीन अवश्य, कसको नियन्त्रण र!
टुक्रा-टुक्रा पारिदिनेछ तिम्ले साँची राखेका ईँटाका थुप्रा लाई।
आउने छ बाढी, बगाउने छ तिम्रो आधारलाई
पहिरो गई थिच्चिनेछौ,
पाउने छौ आफ्नै माथी आफूले बनाएको छाहारीलाई।

तिम्रो नियन्त्रणमाः
सह!
आफूलाई उडाउन नदेउ, हल्लाउन नदेउ, बग्न नदेउ, थिच्चिन नदेउ
तिमी आफ्नो खुट्टामा उभ्भिरह
बरु टोलाएर सबै नियालीरह
हतार गरेर कसैलाई देवता नमानीहाल
संयम राख
आफूलाई शान्त पारि अडाईरह।
त्यस्ता जाबा महल फेरि बनाउने छौ
त्यस्ता ईँटा फेरि थुपार्ने छौ
त्यस्ता सपना अनेकौं देख्ने छौ।
सायद ति भन्दा उपरका कुरा देख्नेछौ।।

बस्, नआत्ति,
सहि रह...
आफूलाई जोगाईरह
आफूलाई उडाउन नदेउ, हल्लाउन नदेउ, बग्न नदेउ, थिच्चिन नदेउ
तिम्ले नयाँ गन्तव्य पाउने छौ...